"Potensialı daha da açıla bilər" - Bəhlulun atası "Qarabağ"dan ayrılmasını dəstəklədi?
“Futbol+”in keçirdiyi sorğuda ötən ilin ən yaxşı futbolçusu seçilən “Qarabağ”ın müdafiəçisi Bəhlul Mustafazadə yenə də idman mediasının gündəmindədi.
Onun PAOK, “Betis”, “Hayduk” kimi komandaların diqqətini cəlb etdiyi deyilir. Bəs Bəhlul “Qarabağ”dan ayrılarsa, karyerasını Avropanın hansısa klubunda daha da inkişaf etdirə bilər? Görəsən, karyerasının davamı ilə bağlı atası Ələmdar Mustafayevlə məsləhətləşibmi? Ələmdar bəy oğlunun “artırmaq” potensialını necə dəyərləndirir? Hazırda 2-ci liqa təmsilçisi “Kür-Araz”ı çalışdıran mütəxəssis bu haqda suallarımızı belə cavabladı:
“Bəhlul Avropa klublarının istənilən birində karyerasını davam etdirə bilər. Hətta “böyük beşlik” klublarından biri də ola bilər. Karyerası ilə bağlı müyyən məsləhətləşmələrimiz olur. Bacardığım qədər düzgün olanı söyləyirəm. Həmişə öz üzərində çalışmağa həvəslidi. Potensialı var. İnanıram ki, potensialı daha da açıla bilər. İndiki məqamda getməsini istəmərəm. “Qarabağ”ın avrokubok oyunlarından sonra daha uyğun olar. Amma yay transfer dönəmində istəyərəm”.
KAMAL SƏFƏR
Digər xəbərlər
