“İlin futbolçusunu müəyyənləşdirmək üçün sorğunun  keçirilməsindən xəbərim var idi. Onun da bu sorğuda namizəd ola biləcəyini yəqin edirdim. İlin futbolçusu seçilməsini isə sizdən eşidirəm. Bəhlulun ilin futbolçusu seçilməsində həlledici amil işə peşəkar yanaşması, özünü daim inkişaf etdirmək arzusu, eyni zamanda “Qarabağ”da oynamasıdı. Mən də onun ilk məşqçisi olmuşam və valideyn kimi daha çox pay sahibi olduğumu düşünürəm. Bəhlulun legioner həyatı yaşamaq arzusu var. Mən də bu məsələyə müsbət yanaşıram”.