“Rezabalanın meydana çıxması yolunda hüquqi problem yoxdu”
“Sumqayıt”ın qış “transfer pəncərəsi”ndəki yeganə transferi Xordan Rezabala “Qarabağ”la oyunun iştirakçıları sırasında görünmədi. Bu üzdən klubu mətbuat xidmətinin rəhbəri Zaur Xudiyevə müraciət edib, ekvadorlunun keçidi ilə bağlı hansısa problem olub-olmaması ilə maraqlandıq.
Xudiyevin “Football-plus.az”a dedikləri:
“Xordan Rezabalanın meydana çıxmasında heç bir hüquqi problem yoxdu. Transfer prosedurunda və sənədlərdə hər şey qaydasındadı. Sadəcə, fiziki və taktiki cəhətdən tam hazır olmadığı üçün məşqçilər heyətinin qərarı ilə "Qarabağ"la oyunda meydana çıxmadı. Komanda ilə az məşq edib, heyətə uyğunlaşması istənilən səviyyədə deyildi. Çox güman, "Kəpəz"lə matçın iştirak ərizəsində yer alacaq və məşqçilərin qərarına görə oyunda iştirak edə biləcək”.
ELMİN İSKƏNDƏRLİ
