“Maklerlə danışığa gedən Emin Mehdiyev olub. O 6 futbolçunu qəlyan çəkmək adı ilə çay evlərinin birinə dəvət edib. Həmin vaxt makler kənardan onların söhbətini telefonla videoya çəkib. Emin bununla bu işdə daha çox futbolçunun olduğunu göstərmək, qarşılığında maklerdən daha çox pul qopartmaq niyyətində olub. Ancaq görüşə dəvət etdiklərinin heç biri çirkin əmələ razılıq verməyib. Maklerin isə bundan xəbəri olmayıb. Elə zənn edib ki, çay evinə gələnlərin hamısı Mehdiyevlə razılaşıb. Sonda Eminin tələb etdiyi məbləği ona ötürüb. Toplantıda iştirak edənlər isə “yox” cavabı verdiklərindən elə başa düşüblər ki, söhbət bağlanıb və Mehdiyevin razılaşması alınmayıb. Yoldaşlıq xatirinə də bu barədə heç kimə heç nə deməyiblər. “Səbail”lə məlum görüşdə də heç nədən xəbərsiz tam gücləri ilə oynayıblar. Nə bilsinlər ki, Fərmaillə Emin komanda yoldaşlarına qarşı belə əclaflıq edəcək. Çox qəribədi ki, Elşən Veysov, ümumiyyətlə, cəzalı olduğundan “Səbail”lə oyunu buraxıb. Ancaq İntizam Komitəsi bu məqamı da nəzərə almayıb. Cəzalı olan oyunçu necə oyun sata bilər? Yaşananlara görə bu uşaqların heç birinin günahı yoxdu”.

“Vurğuladığınız görüşdə mən də olmuşam. Bizi kimin kənardan çəkdiyini bilmirəm. Cəzalananlar arasında adı olan Samir Hüseynovu, ümumiyyətlə, tanımıram. Əyləşdiyimiz süfrədə adını dəqiq bilmədiyim, ancaq hamının “Ceka” çağırdığı Rusiya vətəndaşı oturmuşdu. O ara-sıra kiminləsə rus dilində danışırdı. Hiss edirdim ki, danışan vaxt telefonu sinəsinə tutur. Ancaq o qədər dərinə getmədim. Rus dilində mənə “kubok, “Səbail” adları çəkdi. Söhbəti tam anlamasam da, hiss etdim ki, nəsə oyunun hesabının razılaşdırılması ilə bağlı danışır. Ona konkret “net” deyib, ordan uzaqlaşdım. Bunların hamısını izahatımda göstərmişəm. Seymur Səlimli ilə söhbətdə mənə Cekanı tanıyıb-tanımadığım soruşdu. Ona da belə birini tanımadığımı, ilk dəfə gördüyümü söylədim. Seymur müəllimin sözlərinə görə, vaxtilə “Səbail”də oynayıb. Heç bilmədim ki, oyunun necə qutarmasını istəyirlər. Sonradan öyrəndim ki, matçda 5 qol olmalıymış. Sonradan bu barədə klub rəhbərliyinə və aidiyyatı qurumlara məlumat verdim. Sizcə, mənim günahım olsaydı, sonrakı oyunlarda meydana çıxmağıma imkan verərdilər? Həmin vaxt səhv etmirəmsə, 14 qolum var idi. Ondan sonrakı matçlarda daha 3 dəfə fərqləndim. Mənə ən çox yer edən adımın oyun alğı-satqısında hallanmasıdı. Bir neçə klubla danışıq aparırdım, mövsümlərarası fasilədə daha yaxşı şərtlərlə yeni kluba keçə bilərdim. Ancaq qismət olmadı. Ailəli adamam, futbolsuz qalmaq ümumi durumuma mənfi təsir göstərəcək. Bəlkə də böyük maaşa futbol oynasaydım, 6 ay kənarda qalmağıma o qədər də üzülməzdim. Amma indiki vəziyyətdə çox çətin olacaq. Aylıq cəmi 512 manata qol çəkib futbol oynayırdım. Gənclərə də məsləhətim odu ki, oturub-durduqları adamlara diqqət yetirsinlər. Bu qardaşdı, o biri dostdu deyib, mənim kimi özlərini “yandırmasınlar”. Bilsinlər ki, bəzən zarafatdı deyib, o qədər də ciddi fikir vermədikləri sözlər sonradan onların karyeralarına ciddi təsir edə bilər”.

Oyun keçirilən gündən bəri AFFA tərəfindən araşdırma başlamışdı. Nəhayət, bu gün yekun qərar verildi. Bu elə hadisədi ki, sözügedən futbolçular karyeraları nəzərə alınmadan cəzalandırılmalıydılar. AFFA-nın qərarı haqlıdı, bunu müzakirə etməyə dəyməz. Elə oyunçu yoxdu ki, əvəz etmək mümkün olmasın. Biz yola başqa futbolçularla da davam edə bilərik. Söhbətin hansı oyundan getdiyinə gəlincə, bu haqda futbolçuların özündən soruşdum. Dedilər, ölkə kubokunun 2022/23 mövsümünün 1/8 finalının MOİK - "Səbail" (0:4) qarşılaşmasından gedir".

“Çox təəccübləndim. Güvənib etibar etdiyim futbolçuların belə hərəkətə yol verməsi məni məyus etdi. Dilim-dodağım qurudu. Fərmayıl Əliyevlə Emin Mehtiyev kimi futbolçuların futboldan ömürlük uzaqlaşdırılmasının hələ də şokunda olarkən bu xəbər məni yıxdı. Hər biri hörmət etdiyim bacarıqlı oyunçular idi. İnanın, nə deyəcəyimi bilmirəm