“Futbolçular oyunun nəticəsinin əvvəlcədən razılaşdırıldığını etiraf etdi” – MOİK-in baş məşqçisindən açıqlama
Xəbər verdiyimiz kimi, AFFA İntizam Komitəsi bu gün danışılmış oyunlarda iştirak etmiş 6 futbolçunu cəzalandırıb.
Birinci divizion komandası MOİK-də çıxış edən Kamil Hüseynov, İlham Allahverdiyev, Rüstəm Rüstəmov, Elşən Veysov, ordu klubunun sabiq üzvü Qabil Sabirli, MOİK-in formasını geymiş, hazırda “Araz Naxçıvan”ın qapıçısı olan Fərman Bayramov danışılmış oyunlar barədə xəbərdar olduğu halda müvafiq orqanlara məlumat vermədiyinə görə 2 il müddətinə (1 il 6 ay şərti olmaqla) futbolla bağlı hansısa fəaliyyətlə məşğul olmalarına qadağa qoyulub.
Başverənlərlə bağlı MOİK-in baş məşqçisi Qəzənfər Abbasovla əlaqə saxladıq. O, “football-plus.az"a açıqlamasında hansı matçın ajiotaja səbəb olduğunu açıqladı:
"Oyun keçirilən gündən bəri AFFA tərəfindən araşdırma başlamışdı. Nəhayət, bu gün yekun qərar verildi. Bu elə hadisədi ki, sözügedən futbolçular karyeraları nəzərə alınmadan cəzalandırılmalıydılar. AFFA-nın qərarı haqlıdı, bunu müzakirə etməyə dəyməz.
Elə oyunçu yoxdu ki, əvəz etmək mümkün olmasın. Biz yola başqa futbolçularla da davam edə bilərik. Söhbətin hansı oyundan getdiyinə gəlincə, bu haqda futbolçuların özündən soruşdum. Etiraf etdilər ki, ölkə kubokunun 2022/23 mövsümünün 1/8 finalının MOİK - "Səbail" (0:4) qarşılaşmasının nəticəsi əvvəlcədən razılaşdırılıb".
Elə oyunçu yoxdu ki, əvəz etmək mümkün olmasın. Biz yola başqa futbolçularla da davam edə bilərik. Söhbətin hansı oyundan getdiyinə gəlincə, bu haqda futbolçuların özündən soruşdum. Etiraf etdilər ki, ölkə kubokunun 2022/23 mövsümünün 1/8 finalının MOİK - "Səbail" (0:4) qarşılaşmasının nəticəsi əvvəlcədən razılaşdırılıb".
KƏNAN BAHADIR
Digər xəbərlər
