Alleqri Aleks Sandronun folunu zəruri sayır
“Yuventus” A seriyasının son turunda “Verona”nı məğlub edərək (1:0) ardıcıl qələbələrinin sayını 5-ə çatdırıb.
"Football-plus.az" xəbər verir ki, baş məşqçi Massimiliano Alleqri son dəqiqələrdə Aleks Sandronun meydandan qovulmaq bahasına kobud oynamasının qələbədə mühüm rol oynadığını düşünür: “Ən yaxşı oyunumuzu keçirməsək də, belə aqressiv rəqiblərə qarşı xüsusi yanaşma lazım gəldiyini bilirik. Bəzi məqamlarda daha yaxşı oynaya bilərdik. Ancaq futbolçularımız əsas məsələnin nə olduğunu yaxşı dərk edirdilər. Son vaxtlar çətin dövrdən keçirik, bir çox oyunçularımızdan zədə səbəbi ilə yararlana bilmirik. Belə şəraitdə qarşıya qoyulan vəzifəni yerinə yetirən komandamızı təbrik edirəm. Bu dəfə əvəzləmələr sayəsində istəyimizə çatdıq. Aleks Sandronun meydandan qovulmasına gəlincə, Paredes ondan qabaq fola əl atmalı idi. Nə yaxşı ki, Aleks bütün məsuliyyəti üzərinə götürərək özünü oda atdı. Əks halda indi başqa nəticədən danışa bilərdik. Yeri gəlmişkən, “Benfika” ilə oyunda da bənzər epizod yaşanmışdı. Lazımi məqamda qaydanı pozmamağımız sonda uduzmağımıza şərait yaratmışdı”.
Digər xəbərlər
