''Fənərbaxça''nın sabiq əfsanəsi Aleks de Souzadan xəbər var.

"Footbal-plus.az" ''San Paulu''nun U-20 komandasını çalışdıran 45 yaşlı mütəxəssis gözlənilmədən vəzifəsindən ayrılıb. Aleks məsələ ilə bağlı bunları deyib: ''Mənə bu fürsəti verdiyi üçün ''San Paulu''ya çox minnətdaram. Rəhbərliyə, klub işçilərinə və günü-gündən bu sahəni daha yaxşı anlamağıma yardım edən futbolçulara təşəkkür edirəm. Fanatlar isə məni ilk gündən son günə qədər dəstəklədilər.

Məni də ''San Paulu'' azarkeşi etdilər. Burda keçirdiyim anları heç vaxt unutmayacam''. Xatırladaq ki, bu, Aleksin baş məşqçi kimi ilk təcrübəsi idi. O, ''San Paulu''nun U-20 komandasının başına ötən ilin aprelində keçmişdi. Komanda Aleksin rəhbərliyi altında keçirdiyi 88 qarşılaşmadan 51 qələbə, 18 bərabərlik, 19 məğlubiyyətlə ayrıldı.