“Qəbələ”nin kikboksçusu Alim Nəbiyev ölkə çempionu olub.

"Footballplus.az" xəbər verir ki, idmançı kikboksinq üzrə 26-cı Azərbaycan çempionatında fərqlənib.

O, titullu idmançıların iştirakı ilə təşkil olunan final görüşlərindən ibarət Qala gecəsində qüvvəsini sınayıb. Nəbiyev 81 kq çəki dərəcəsində “Full Contact” versiyası üzrə mübarizə aparıb.

​Onun rəqibi Elmar Abdullayev olub. Bu döyüşdən qələbə ilə ayrılan Alim çempion adına yiyələnib.