Nəhayət, Vinisius Juniorun yeni müqaviləsi ilə bağlı məsələyə aydınlıq gəlib.

"Football-plus.az" xəbər verir ki, “Real” rəhbərliyi hücumçu ilə yeni uzunmüddətli müqavilə imzalamaq üçün prinsipial razılıq əldə edib.

“Sky Sports”un yaydığı məlumata görə, tərəflər arasında artıq yalnız son detalların dəqiqləşdirilməsi qalıb. Braziliyalı futbolçunun müqaviləsi yenilənəndən sonra da Kilian Mbappenin klubun ən çox maaş alan futbolçusu statusunu qoruyacağı da xəbər verilib.

Hazırkı sözləşməsinin müddəti 2027-ci ilin yayında başa çatacaq Vinisius ildə 25 milyon avro qazanır. Mbappenin illik məvacibi isə 32 milyon avro təşkil edir. Yeni müqavilə ilə Vinisiusun maaşının artırılacağı və komandada çıxış müddətinin uzadılacağı gözlənilir.