Kilian Mbappenin növbəti mövsümdən “Real”da oynamaq imkanı qalır.

İspaniya klubunun rəhbərliyi PSJ-nin hücumçusunu transfer etmək üçün yanvar ayında sonuncu cəhdə əl atacaq. “Marca” qəzetinin məlumatına görə, Madrid klubu futbolçuya 2022-ci ildə olduğu kimi şərtlər təklif edəcək. Mbappe “Real” ilə müqavilə imzalasa, vergilər çıxıldıqdan sonra ilə 26 milyon avro maaş alacaq, əlavə olaraq imza bonusu kimi 130 milyon avro da qazanacaq.

“Athletic” qəzetinin yazdığına görə, fransalı futbolçu “Real”ın ən ödənişli oyunçularının aldığından iki dəfə çox maaş almaq istəyir. “Kral klubu”nda ən çox qazanan futbolçuların illik məvacibi isə təxminən 17-20 milyon avroya bərabərdi.

Kilianın PSJ ilə müqaviləsinin müddəti 2024-cü ilin yayına qədərdi. O, bu mövsüm komandada bütün turnirlərdə 22 oyun keçirib, 21 qol vurub və 2 məhsuldar ötürmə edib.

RAMİL YUSİFOV