Klaudio Ranyeri tezliklə “Roma”nın idarə heyətinin müşaviri vəzifəsini tərk edəcək.

"Football-plus.az" xəbər verir ki, məşhur insayder Fabritsio Romanonun yaydığı məlumata görə, ayrılığın əsas səbəbi baş məşqçi Can Pyero Qasperini ilə yaranan fikir ayrılığı ilə bağlıdı.

Tərəflər transfer siyasəti ilə bağlı ortaq məxrəcə gələ bilməyiblər. Qasperini komandanın heyətindən narazılığını bildirib, Ranyeri isə transferlərin birgə razılaşdırıldığını vurğulayıb. Mövsümün sonuna yaxın qeydə alınan qeyri-sabit nəticələr də tərəflər arasında gərginliyi artırıb. “Roma” hazırda A seriyasında 33 turdan sonra 58 xalla 6-cı yeri tutur.

Xatırladaq ki, 73 yaşlı Ranyeri 2024-cü ilin noyabrında “Roma”nın baş məşqçisi təyin olunmuş və mövsümün sonuna qədər komandaya rəhbərlik etmişdi. O, paytaxt klubunda 2009-11 və 2019-cu illərdə də çalışıb.