Mahirin komandasından gözlənilməz qərar! – qış fasiləsində...
Mahirin şərəfini qoruduğu “Kayzerslautern” qış fasiləsiylə bağlı qərar verib.
“Football-plus.az” “Kicker”ə istinadla xəbər verir ki, “qırmızı iblislər” qış təlim-məşq toplanışını başqa ölkədə keçirməməyə qərar verib. Halbuki komanda belə fasilələrdə, adətən Türkiyə, İspaniya və Malta kimi ölkələrə yollanır, başqa ölkələri təmsil edən komandalarla yoldaşlıq oyunu keçirirdi.
Klubun idman direktoru Marsel Klos qərarı belə izah edib:
“Fritz-Walter” və “Sportpark Rote Teufel”də çox yaxşı şərait qurmuşuq. İstəyirik ki, mövsümün ikinci yarısına bu idman qurğularında yerləşən bazalarımızda hazırlaşaq. Belədə futbolçuların istirahət vaxtı da uzun olacaq. Həm yol yorğunluğu problemləriylə üzləşməyəcəyik, həm də sərf edəcəyimiz zaman qısa olacaq. Öz yuvamızda qısa hazırlıq dövrü keçərək hədəfə doğru addımlayacağıq. Axı nəticədə daha yaxşı hazırlaşmaq üçün daha çox vaxt olacaq. Azarkeşlər əmin olsun ki, komandanın lazım olan nəticələri qazana bilməsi üçün ən ideal şərait yaradılacaq”.
KƏNAN BAHADIR
Digər xəbərlər
