Bəs məlum qərar Tovuz stadionunda görülən işlərin axarına təsir etdimi? “Football-plus.az” bununla bağlı məlumat almaq üçün klubun mətbuat katibi Süleyman Tağıyevlə əlaqə saxlayıb:
“UEFA-nın müfəttişinin gəlişindən sonra stadionda başlayan bərpa prosesi davam edir. Şəhər stadionunun 2-ci kateqoriyaya uyğun olması üçün qarşıya qoyulan tələblər yerinə yetirilir. Qonaq komandanın azarkeşləri üçün ayrı qapının açılması, media nümayəndələri üçün ayrılmış tribunada internet şəbəkəsinin gücləndirilməsi, azarkeşlərin sayına uyğun sanitar qovşaqların tikintisi nəzərdə tutulub. Demək olar ki, işlərin çoxu geridə qalıb. Artıq gələn mövsümə stadion tam hazır olacaq”.
İSRAYIL XEYRULLAYEV
