Gözlənilən aqibətlə üzləşdi

Miroslav Koubek gözlənilən aqibətlə üzləşib.

"Football-plus.az" xəbər verir ki, o, Çexiya yığmasının baş məşqçi vəzifəsindən ayrılıb. Bu barədə Çexiya Futbol Assosiasiyası məlumat yayıb. Tərəflər müqaviləyə qarşılıqlı razılıq əsasında xitam veriblər.

Koubek yığmanı 2025-ci ilin dekabrından çalışdırırdı. Komanda onun rəhbərliyi altında son 20 ildə ilk dəfə dünya çempionatının final mərhələsinə vəsiqə qazanmışdı. Amma yığma DÇ-2026-nı uğursuzluqla başa vurub. Çexiya qrup mərhələsində Koreyaya 1:2, Meksikaya 0:3 hesabı ilə məğlub olub, yeganə xalını isə Cənubi Afrika ilə heç-heçə (1:1) etməklə qazanıb.