Premyer-liqada çempionluğu “Sabah”a “təhvil verən” “Qarabağ” gələn mövsümə fərqli hazırlaşır. Avropa Liqasında əsas mərhələyə yüksəlmək istəyən komandada ötən il Çempionlar Liqasında uğur qazanan futbolçuların sayı azalmaqdadı. Amma “köhlən atlar” artıq 6 yeni transferini də açıqlayıb. Onların hamısı legionerdi.

“Football-plus.az”ın əldə etdiyi məlumata görə, “Qarabağ” daha bir futbolçunu heyətinə qatmağa yaxındı. Söhbət Bentse Varkonyidən gedir. Macarıstanın “Zalaeqerseq” klubunda çıxış edən 24 yaşlı mərkəz müdafiəçisinin keçidi yaxın günlərdə baş tuta bilər. Son mövsümdə 30 matçda forma geyən Bentse 1 məhsuldar ötürmə müəllifi olub. Macarıstanlı müdafiəçinin “Zalaeqerseq”lə müqaviləsinin müddəti 20266/27 mövsümünün sonunda bitəcək. “Transfermarkt” saytında futbolçunun dəyəri 500 min avro göstərilib. “Qarabağ”ın isə bu transferə görə 1 milyon avrodan keçəcəyi iddia olunur.

Xatırladaq ki, “Qarabağ” Avropa Liqasında ilk oyunu iyulun 9-da keçirəcək.

İSRAYIL XEYRULLAYEV