“Mövsümün əvvəlində hamı ilə birillik müqavilə imzalanmışdı, “+1 il” maddəsi yox idi. Məcbur olduq ki, bütün heyəti buraxaq. Dünən axşam baş məşqçimiz Pərviz Bayramovla yenidən müqavilə bağladıq. Danışıq apardığımız futbolçular var. Bir neçə peşəkar futbolçu ilə danışıqlar davam edir. Cavid İmamverdiyevi də heyətimizə qatmaq istərdik. Hələ ki onunla əlaqəyə keçməmişik. Rəsmi heç nə yoxdu. Heyət toplamaq məşqçinin üzərinə düşən işdi. Məşqçimizlə bu barədə tam danışıqlarımız olmayıb. Transferlər üçün onun istədiyi futbolçuları gətirmək niyyətindəyik. Tələb məşqçiyə qoyulub. Buna görə də problem yarananda məsuliyyət məşqçinin üzərində olacaq. “Şirvan” heç vaxt yüksək liqada oynamayıb. Müstəqillik dövründən bəri ilk dəfə komandamız peşəkar liqada çıxış edir. 2-ci liqada çempionluğu kim istəməz ki?! “Xankəndi”, “Quba” kimi klublar çempionluğa oynayacaq. Biz də yüksək yerlər uğrunda oynayacağıq. Autsayderlər sırasında olmaq, 2-ci liqada qalmaq uğrunda oynamaq fikrimiz yoxdu. Hədəflərimiz böyükdü”.