"Şirvan" rəhbərliyi 2024/25 mövsümünün başa çatması ilə bağlı komanda heyəti haqqında qərar qəbul edib.

"Football-plus.az" xəbər verir ki, bu haqda bölgə təmsilçisinin mətbuat xidməti məlumat yayıb.

Qərara əsasən, mövsüm boyu klubun şərəfini qoruyan bütün futbolçular və texniki heyətlə yollar rəsmən ayrılıb. Məlumatda bildirilib ki, komandaya bağlı olan heç bir şəxs bu tarixdən etibarən klubla müqavilə öhdəliyi daşımır və hər kəs sərbəst hesab olunur. O da qeyd olunub ki, qərar strateji yenilənmə və növbəti mövsüm üçün klubun gələcəyini daha sistemli şəkildə planlamaq məqsədi daşıyır.

Xatırladaq ki, "Şirvan" 2-ci liqanın 2025/26 mövsümündə mübarizə aparmaq hüququ qazanıb.