Ötən gün “Sabah” Namik Ələskərovla müqavilə müddətini uzatmamaqla bağlı qərar verdi, yəni ayrılıq gerçəkləşdi.

Əslində bunu doğru qərar hesab etmək olar. 4 mövsüm əvvəl çempionatın bombardiri olan Namik ondan sonra yaxşı mənada heç nə yadda qalmadı - istər, “Bursaspor”da, istərsə də “Sabah”da. Xüsusən də son mövsüm tam bir rotasiya futbolçusuna çevrilmişdi. Çempionatda ümumilikdə 22 oyuna çıxan 30 yaşlı yarımmüdafiəçi iki qol, bir məhsuldar ötürmə ilə yadda qaldı. 22 oyunun heç yarısında əsas heyətdə olmadı. Cəmi 693 dəqiqə yaşıl meydanda olan Namik daha çox şans qazanmaq üçün ən doğru qərarı verib. “Qəbələ”, “Sumqayıt” kimi klublara getməklə həm özünə, həm də oynadığı komandaya xeyir verə bilər.

Namikin hazırki “transfermarkt” dəyəri 450 mindi. Bəlkə də o vaxt “Bursaspor” variantına aldanmayıb, “Neftçi”də qalsaydı...

MÜZƏFFƏR QULUZADƏ