“Football-plus.az”ın sualına klubun məsləhətçisi Şahin Məmmədov cavab verdi:
“Cəbrayıl”ı yaradan şəxs Cavid Hüseynovdu. Klubun yaradılmasında birlikdə iştirak etmişik. Bu mövzu ilə bağlı sualları ona ünvanlamaq daha doğru olar, çünki əsas cavabları o verəcək. Mən isə “Cəbrayıl”da, sadəcə, bir tərəf kimi iştirak etmişəm. Açığını desəm, heç bir dəstək olmadı. Sponsor tapmaq, futbolu anlayan insanları cəlb etmək çətin oldu. Təəssüf ki, Azərbaycanda bu sahədə yetərincə anlayışlı insanlar da çox deyil. Halbuki bu iş uzunmüddətli investisiya tələb edir. Məsələn, stadionun tikilməsi kimi layihələr səbr, dözüm və zaman istəyir. Amma o dövrdə bu mümkün olmadı. “Gəncəbasar” məsələsinə gəlincə, açığı, bu barədə tam məlumatım yoxdu. Ortalıqda dolaşan söhbətlər var, amma klubun adı “Gəncəbasar” olacaq, yoxsa başqa bir ad seçiləcək - bunu dəqiq bilmirəm. Ümumiyyətlə, bu prosesdə də yaxından iştirak etməmişəm. Bu daha çox rəhbərliyin planıdı və klubun gələcəyi ilə bağlı suallar da məhz onlara ünvanlanmalıdı”.
İSRAYIL XEYRULLAYEV
