“Bu turnirdə heç bir zorakılıq, heç bir qalmaqal yaşanmadı.Təhlükəsizlik 100 faiz təmin olundu və hər şey çox sakit keçdi. Turnir insanlara yalnız sevinc və xoşbəxtlik bəxş etdi. 200 milyon ölkədən axın edən ümumilikdə 7 milyondan çox insan 16 möhtəşəm şəhərdə və stadionda keçirilən turnirdən böyük zövq aldılar. Futbol bu insanları birləşdirdi. Onların hər biri özünü çox təhlükəsiz hiss edirdi. Eləcə də bütün dünyada milyardlarla insan turniri öz evindən televizor vasitəsilə seyr etdi. Onlar da bu sevinc dolu anları, emosiyaları öz dostları, ailə üzvləri ilə bölüşdülər. Musiqi, kino, əyləncə və əlbəttə, idman dünyasının böyük ulduzları da oyunları stadiondan izləyirdilər. Onlar dəyərli zamanını fanatlarla və bizimlə keçirməyə üstünlük verdilər. Təbii ki, bu insanların da üzündə sevinc və xoşbəxtlik hiss olunurdu. Bütün bunlar 3 ev sahibi ölkənin rəhbərliyi, onların böyük əməyi, eləcə də FİFA-nın yorulmaq bilməyən komandası sayəsində mümkün oldu. Təşkilatçı ölkənin həm insanları, həm polisləri, həm könüllü şəkildə işləyənləri özlərini ən yaxşı tərəfdən göstərdilər. Hər təşkilatçı şəhərdə dünyanın istənilən ölkəsinin insanına rast gəlmək olardı. Amma bəziləri aranı qarışdırmağa çalışırdı. Bizim dünyamıza nifrət yox, sevgi lazımdı. Səbr və şadyanalıq lazımdı. Bəziləri nifrət toxumları yaymağa çalışdığı müddətdə biz iki düşmən ölkəni birləşdirməyin üzərində çalışdıq. İran ABŞ-yə heç bir insident yaşamadan daxil oldu. Bir çox insanlar onları dəstəklədi. Bu, tribunalarda da hiss olunurdu. İranın ABŞ-yə daxil olmaq üçün viza alması bir daha göstərdi ki, futbol siyasət deyil, bir dünyadı. Futbol bölmür, birləşdirir. Az sayda viza ala bilməyən insanlar gündəmə gətirilirdi. Amma milyonlarla viza alanların olduğu nədənsə unudulurdu”.