Messi oyundaşlarına hədiyyə paylayıb
Argentina yığmasının kapitanı Lionel Messi dünya çempionatından sonra komanda yoldaşlarına xüsusi hədiyyə paylayıb.
"Football-plus.az" xəbər verir ki, bu barədə komandanın müdafiəçisi Markos Senesinin sevgilisi Kelsi-Rouz Bauers məlumat yayıb. O, sosial şəbəkədə Messinin futbolçulara hədiyyə etdiyi fərdiləşdirilmiş mate dəstini nümayiş etdirib:
“Bu, Markosun turnirdən sonra aldığı, üzərində onun adı yazılmış fərdiləşdirilmiş çantadı. Messi bunu bütün futbolçulara hədiyyə edib. Dəstin içində qızılı rəngdə termos, fincan və böyük mate qabı var. Markos onu qoruyub saxlamağım üçün mənə verdi və Mayamiyə gətirməyimi istədi. Bu hədiyyə həqiqətən möhtəşəmdi”.
Yeri gəlmişkən, “İnter Mayami”nin hücumçusu MLS-in ulduzlarının iştirakıyla keçiriləcək matçı buraxacaq. Həmçinin “Çikaqo”nun cənubi afrikalı müdafiəçisi Mbekezeli Mbokazi və “İnter Mayami”nin argentinalı yarımmüdafiəçisi Rodriqo de Paul da heyətdən kənarda qalıblar. Hər üç futbolçu iyulun 19-da sona çatan dünya çempionatında iştirak edib.
Qeyd edək ki, MLS-in ulduzları və Meksika liqasının ulduzları arasındakı oyun iyulun 29-da ABŞ-nin Şarlott şəhərində keçiriləcək.
Digər xəbərlər
