İtaliya Futbol Federasiyasının (İFF) texniki direktoru Paolo Maldini vəzifələrindən ayrılıb.

"Football-plus.az" xəbər verir ki, Müşaviri Leonardo da onun kimi addım atıb.

Maldini ilə Leonardonun bu qərarı verməsinə İFF-nin prezidenti Covanni Malaqonun Andrea Pirlonun yığmanın baş məşqçisi təyin olunmasına qarşı çıxması səbəb olub. Federasiyanın rəhbəri Pirlonun Rusiya bukmeker şirkəti ilə əlaqəsini əsas gətirərək onun namizədliyini təsdiqləməyib. Maldini və Leonardo isə milli komandaya yalnız Pirlonun baş məşqçi təyin olunmasını istəyiblər. Bu səbəbdən onlar təyinatlarından cəmi 10 gün sonra layihəni tərk etmək qərarına gəliblər.

Bir neçə gün əvvəl Pirlonun milli komandanın baş məşqçi postuna əsas namizəd olduğu bildirilsə də, onun namizədliyi məlum səbəbdən rədd edilmişdi. Pirlo özü də artıq yığmanın baş məşqçi postuna namizəd olmadığını açıqlamışdı.