''Benfika''nın türkiyəli ulduzu baş məşqçiyə etiraz etdi
Klublararası Dünya Çempionatında mübarizə davam edir. Yeni Zelandiya təmsilçisi ''Oklend Siti'' növbəti dəfə darmadağın oldu.
"Football-plus.az" xəbər verir ki, ilk turda ''Bavariya''dan 10 cavabsız top buraxan komanda bu dəfə ''Benfika''dan 6 cavabsız qol buraxdı.
Matçın ən diqqətçəkən olayı 61-ci dəqiqədə yaşandı. ''Qartallar''ın iki türkiyəli futbolçusundan biri olan Orkun Kökçü Renato Sançeş ilə əvəzləndi.
Orkun tabloda öz nömrəsini görən kimi baş məşqçi Bruno Lajeyə çılğın şəkildə etiraz etməyə başladı. İkili arasında gərgin anlar futbolçu meydanı tərk etdikdən sonra da davam etdi.
Orkun əsəbi şəkildə Lajenin yanından keçərək ona qarşı bəzi ifadələr işlətdi və ehtiyat oyunçular arasında oturdu. Məşqçi də öz növbəsində ona nəsə deyərək susmağı məsləhət gördü. Matçın ardından Lajeyə təbii ki, bu olayla bağlı sual ünvanlandı. Təcrübəli mütəxəssis bunları dedi:
''Mənim üçün əsas odu ki, sonradan meydana çıxanlar komandaya enerji verdi və qol vurdu. Bizdə intizamla bağlı heç bir problem yoxdu. Orkun hər zaman peşəkar davranış sərgiləyib. Onun komandaya yardım etmək istəyi böyükdü. İndiyə qədər həm meydanda, həm də ondan kənarda peşəkar idmançıya yaraşan, örnək davranış sərgiləyib. Onun etirazı sadəcə bir dəfə yaşanan bir durumdu. Futbolçunun həmin andakı durumuna, oyununa baxaraq qərarlarımı cox sakit şəkildə verirəm''.
Digər xəbərlər
