Kərəm Aktürkoğlu ilə Orkun Kökçünün performansından razı qalan ''Benfika'' 3-cü türkiyəli futbolçunun heyətə cəlb olunması üçün real addımlar atmağa başlayıb.

Lissabon nəhənginin ''Fənərbaxça'' və Türkiyə yığmasının dayaq yarımmüdafiəçisi İsmayıl Yüksəkə maraq göstərməsi ilə bağlı xəbərlər mövsümün əvvəllərində də mövcud idi. Həmin vaxt qeyd olunurdu ki, ''Benfika''nın baş məşqçisi Bruno Laje İsmayılın bir neçə oyununu izləyərək ona heyran qalmışdı. Portuqaliya mətbuatının iddiasına görə Bruno Lajenin tələbi ilə ''Benfika'' rəhbərliyi ''Fənər'' rəhbərliyi ilə əlaqə qurub. Yarımmüdafiədə rotasiya fürsəti olmayan və həmin mövqeni gücləndirmək istəyən ''Qartallar'' ''sarı-lacivərdlilər''ə 10 milyon avro təklif ediblər. Amma xəbərdə qeyd olunur ki, İstanbul nəhəngi İsmayılı 12 milyon avrodan aşağı qiymətə satmaq niyyətində deyil. Danışıqlar davam edir.

Maraqlıdı ki, ''Fənər'' bu futbolçunu 2020-nin yayında ''Gölcükspor''dan cəmi 65 min avroya transfer etmişdi. İsmayıl bu mövsüm 20 rəsmi oyunda forma geyib.

ƏLİ