Azərbaycanlı MMA döyüşçüsü Cavid Rzayev böyük bir qalmaqalın mərkəzindədi.

Rusiya vətəndaşı olan azərbaycanlının “Hardcore” liqasının turnirindəki hərəkəti rusları özündən çıxarıb. Seyid kişinin oğlu olan soydaşımız Rusiya idmançısı Sergey Prixodko üzərindəki qələbədən sonra elə oktaqondanca bir başqa rusiyalı – Artur Kulinski ilə söz atışmasına başlayıb, onu “rus donuzu” adlandırıb. Cavid həmçinin Kulinski ilə münasibətləri aydınlaşdırmağa çalışsa da, ararıcı heç kimin başqa milləti təhqir etmək hüququnun olmadığını deməklə onun qarşısını alıb.

Rzayev sonradan Kulinski ilə münaqişəsinə belə aydınlıq gətirib:

Cavid səmimi şəkildə üzr istəsə də, azarkeşlər onun ömürlük diskvalifikasiyasını və hətta həbsini tələb edirlər. Rusiya Boks Federasiyası da artıq azərbaycanlının təhqiramiz ifadəyə görə ömürlük cəzalandığını bildirib. Bu qurum həmçinin Rusiya Prokurorluğuna müraciət edərək, Cavidin ifadəsində milli zəmində təhqir olub-olmamasının araşdırılmasını istəyib.

Göründüyü kimi, soydaşımız ehtiyatsızca dediyi bir ifadədən sonra səmimi şəkildə üzr istəsə də, ən sərt şəkildə cəzalandırıldı. İşin başqa maraqlı tərəfi də var. İstər Azərbaycanda MMA ilə maraqlanan qurumlar, istərsə də Rusiyadakı diaspor təşkilatlarımız arasında gənc idmançıya sahib çıxan, ona arxa duran, hüquqi yardım göstərən bir nəfər də tapılmadı. Çox güman, Rzayevi “dəmir barmaqlılar” arasına atmağa da çalışacaqlar. Çox acınacaqlı və düşündürücü məqamdı. Cavidin belə ifadə işlətməsinin gerçək səbəbini, həmin Artur Kulinskinin onu özündən necə çıxardığını bilmirik. Bildiyimiz isə odu ki, mütilik, sözəbaxanlıq, “böyük qardaş” kompleksi üzündən daha bir azərbaycanlı gəncin karyerası, demək olar ki, başlamadan bitdi.