Moskva "Spartak"ının və Rusiya millisinin sabiq yarımmüdafiəçisi Aleksandr Səmədov Rusiya klublarına Asiya Çempionlar Liqasında güclərini sınamağı məsləhət görüb.

"Footbal-plus.az" saytının məlumatına görə, əslən azərbaycanlı olan futbolçu bu haqda Rusiyanın "Championat.com" saytına açıqlama verib:

“Asiya Çempionlar Liqası klublar üçün analoqdu. Oraya müraciət edə bilərsiniz. Bu turnirdə “Spartak” və ya “Lokomotiv” qələbə qazansaydı, çox yaxşı nailiyyət olardı. Ciddi desək, bu yarışda qalib gəlmək həqiqətən də asan deyil”.

Qeyd edək ki, şimal qonşumuzun Ukraynaya hərbi təcavüzü səbəbindən FİFA və UEFA Rusiya klublarının və millisinin bütün beynəlxalq yarışlarda iştirakını dayandırıb. Qadağa Avropa Liqasının 1/8 final mərhələsindən kənarlaşdırılan Moskva “Spartak”ına, dünya çempionatına vəsiqə qazanmaq üçün pley-off oynamayacaq fyığmaya və qadın futbolçulardan ibarət milli komandaya tətbiq edilib.