Bax ukraynalılara rusları izləməyi tapşırıb
Beynəlxalq Olimpiya Komitəsinin (BOK) prezidenti Tomas Bax rəhbərlik etdiyi qurumun ukraynalılardan rusiyalı idmançıların internetdəki vətənpərvərliklə bağlı çıxışlarını izləməyi xahiş etdiyini bildirib:
“İdmançı hardasa belə ifadələr işlətsə, Olimpiadada iştirak edə bilməz. Biz həmçinin Ukrayna tərəfinə təklif və təkcə təklif yox, həm də onlardan xahiş etdik ki, belə idmançıların və ya məmurların davranışı ilə bağlı bizə informasiya çatdırsınlar. Belə şəxslərin Olimpiadada iştirakı mümkün deyil”.
Bax onu da bildirib ki, BOK-un nəzdində olan müşahidə komissiyası müstəqil şirkətlə birgə idmançıların Rusiya hökumətinə dəstək xarakterli açıqlamalarını izləyir.
Xatırladaq ki, BOK bir müddət öncə Rusiya və Belarusdan olan idmançıların bəzi meyarları gözləmək şərti ilə Paris Olimpiadasında fərdi qaydada və neytral statusla iştirakının mümkünlüyünü elan etmişdi. Qurumun İcraiyyə Komitəsi martın 19-da Parisə yollana biləcək rusiyalı idmançıların sayının 55-dən çox ola bilməyəcəyinə qərar verib. Rusiya ilə Belarusdan olan atletlər Olimpiya Oyunlarının açılış mərasiminə buraxılmayacaq, medal cədvəlində də onların adı olmayacaq.
Digər xəbərlər
