İdman
80
16.05.2022, 14:10
Svitolina rusları qəzəbləndirdi - AÇIQLAMA
Ukraynanın tanınan qadın tennisçilərindən Yelina Svitolina rusları qəzəbləndirən açıqlama verib.
"Football-plus.az" xəbər verir ki, O, belə hesab edir ki, rusiyalı və belaruslu tennisçilər Ukraynadakı vəziyyətlə bağlı ictimai şəkildə mövqelərini açıqlamalıdılar:
“Biz ukraynalılar üçün ruslarla belarusluların hansı tərəfdə olduqlarıyla bağlı seçimi açıqlamaları çox vacibdi. Biz bunu bilmək, özümüzü təhlükəsiz şəraitdə hiss etmək istəyirik. Çünki onlar bununla bağlı mövqe açıqlamasalar, onların öz hökumətlərini, Rusiya ordusunun fəaliyyətini dəstəkləyib-dəstəkləmədiklərini bilməyəcəyik. Onların mövqe açıqlaması çox vacibdi. Hər bir rusiyalı və belaruslu idmançı özünə mövqe tutmalıdı ki, biz də öz aramızda pis adamların olmadığını bilək”.
Gözlənilən kimi də olub: Rusiya Tennis Federasiyasının prezidenti Şamil Tarpişev Yelinanın müraciətini qıcıqla qarşılayıb:
“Fikir vermək lazım deyil. Bu təkcə mənim yox, hüquqşünasların da mövqeyidi. Ona görə ki, istənilən ifadəyə görə bizi hansısa yarışdan kənarlaşdıra bilərlər. İndi biz oynayırıq, hər şey normaldı. Bu müraciətə reaksiya vermək axmaqlıqdı. Axı Svitolina kimdi? Heç kim”.
“Rolan Qarros”un direktoru Ameli Moresmo da bu mövzuda yeni açıqlama verib. O bildirib ki, rusiyalı və belaruslu tennisçilər turnirdə neytral idmançı statusu ilə qarşılanacaq:
“Bu haqda çox düşündük. Hesab etmirəm ki, hansısa başqa ədalətli qərar var. Martda Rusiya və Belarus yığmalarını uzaqlaşdıran Avropanın idman nazirlərinin mövqeyini dəstəkləyirik. Ancaq idmançılar sərt neytrallıq şəraitində çıxış edə bilərlər”.
Xanım direktor onu da qeyd edib ki, rusiyalı və belaruslu idmançılar hansısa siyasi ifadə işlədərlərsə, sanksiyalara məruz qalacaqlar.
