İyulda “sükan arxasına” keçmişdi, mövsüm başlamamış getdi
MHL klublarından “Kolambus” Mayk Bebkokun baş məşqçi postundan istefa verdiyini açıqlayıb.
"Football-plus.az" xəbər verir ki, ünlü mütəxəssis bu vəzifəyə iyulda təyin olunmuşdu. Sentyabrın 12-də sabiq MHL oyunçusu, “Spittin' Chiclets” podkastının aparıcısı Pol Bisssonnett efirdə Bebkokun “Kolambus”un kapitanı Bun Cenneri telefondakı şəxsi fotoları ona göstərməyə məcbur etməsi haqda danışıb. Sonradan 60 yaşlı kanadalı və Cenner bunun baş məşqçinin yeni komandanı daha asan tanıması üçün edildiyini, Bissonnettin isə informasiyanı təhrif olunmuş şəkildə təqdim etdiyini deyiblər. Amma klub fərqli qərar verib. Klub saytı baş menecer Yarmo Kekalaynenin aşağıdakı fikirlərinə yeri verib:
“Bu, asan qərar deyildi, ancaq biz hiss etdik ki, qarşıdakı mövsümdə oyunçulara diqqəti yönəltməliyik. Mayka peşəkarlığına və yorulmadan çalışdığına görə təşəkkür edirik”.
Bebkok isə istefadan sonra belə deyib:
“Bir qədər düşünəndən sonra mənə aydın oldu ki, “Kolambus”un baş məşqçisi kimi işi davam etdirsəm, fikir işdən yayınacaq. Başladağım işi davam etdirmək imkanı qazanmadığıma görə məyus olsam da, bilirəm ki, indi getməyim klubun maraqlarına uyğundu. Qarşıdakı mövsümdə hamıya uğurlar arzulayıram”.
Artıq “Kolambus”un yeni baş məşqçisi də bəllidi. Klub Paskal Vensanla ikiillik müqavilə bağlayıb.
Digər xəbərlər
