“Toronto”nun forvardı Oston Mettyus srağagün “Tampa-Bey”lə oyunda het-trik etməklə cari mövsümdə qol sayını 54-ə çatdırdı.

24 yaşlı amerikalı bununla da Rik Veyvin 1981/82 mövsümündə müəyyənləşdirdiyi klub rekordunu təkrarladı. Mettyusun cari mövsümdə keçirdiyi 64 oyunda 92 (54+38) xal topladığını da xatırladaq.

Dünənki oyunlarla bağlı da maraqlı məqamlar var. “Florida” “Toronto”nu məğlub etməklə xalını 104-ə çatdırdı. Bir müddət əvvəl pley-offa vəsiqəni təmin edən komanda xal sayına görə öz rekordunu yenilədi. “Panterz”in buna qədər ən yaxşı nəticəsi 2015/16 mövsümündə topladığı 103 xal olmuşdu. Dünənki oyunlar həmçinin “Kolambus”un 6, “Detroyt”un isə 6 oyunluq məğlubiyyət seriyasına son qoyulmasıyla əlamətdar oldu.

5 aprel

Kolambus – Boston 2:3 OT (1:1, 1:1, 0:0, 0:1)
Tampa-Bey – Toronto 2:6 (1:1, 1:3, 0:2)
Sent-Luis – Arizona 5:1 (0:0, 4:0, 1:1)
Los-Anceles – Kalqari 2:3 (2:1, 0:2, 0:0)

6 aprel

Baffalo – Karolina 4:2 (0:1, 2:0, 2:1)
Monreal – Ottava 3:6 (1:1, 2:2, 0:3)
Nyu-Cersi – Reyncers 1:3 (1:2, 0:0, 0:1)
Pittsburq – Kolorado 4:6 (1:1, 1:2, 2:3)
Filadelfiya – Kolambus 2:4 (1:2, 1:0, 0:2)
Florida – Toronto 7:6 ОТ (1:1, 3:4, 2:1, 1:0)
Detroyt – Boston 5:3 (1:2, 2:0, 2:1)
Neşvill – Minnesota 6:2 (3:1, 1:1, 2:0)
Dallas – Aylenders 3:2 (2:1, 1:1, 0:0)
San-Xose – Edmonton 1:2 ОТ (1:0, 0:0, 0:1, 0:1)