FİFA referisi Əliyar Ağayev UEFA-dan yeni təyinat alıb.

"Football-plus.az" xəbər verir ki, o, Avropa Liqasının 3-cü təsnifat mərhələsinin ilk oyunu çərçivəsində keçiriləcək "Linkoln” (Cəbəllütariq) - “Omoniya” (Cənubi Kipr) matçının baş hakimi olacaq.

Ona yan xətt hakimləri qismində Zeynal Zeynalov və Akif Əmirəli kömək edəcəklər. Dördüncü hakim funksiyasını Tural Qurbanov yerinə yetirəcək. Avstriyalı Alan Kijas VAR, digər həmyerlimiz Nicat İsmayıllı VAR hakiminin köməkçisi kimi fəaliyyət göstərəcək.

Avqustun 6-da keçiriləcək oyun Bakı vaxtı ilə saat 20.00-da başlayacaq.