Kristian Volpato dopinq problemi ilə üzləşib. Avstraliya yığmasının yarımmüdafiəçisi Sidneydə qalmaqalla gündəmə gəlib.

"Football-plus.az" xəbər verir ki, “BBC Sport”un yaydığı xəbərə görə, Yeni Cənubi Uels polisi 22 yaşlı futbolçunun bir gecədə iki dəfə sürət həddini aşdığına görə saxlanıldığını açıqlayıb. İkinci yoxlama zamanı aparılan narkotik testi kokainə görə müsbət nəticə verib. “Sassuolo”da çıxış edən Volpatonun sürücülük vəsiqəsinin ştat ərazisində qüvvəsi müvəqqəti dayandırılıb, əlavə laborator analiz üçün nümunə götürülüb. Araşdırma davam edir.

Avstraliya Futbol Federasiyası futbolçu ilə əlaqə saxladıqlarını və prosesi izlədiklərini bəyan edib. Futbolçular İttifaqı da Volpatoya dəstək verəcəyini açıqlayıb. “BBC Sport” isə məsələ ilə bağlı “Sassuolo”dan rəsmi açıqlama istəyib.

İtaliya klubunda 2023-cü ildən oynayan Kristian ötən mövsüm ölkə çempionatında 24 oyuna çıxıb. Daha əvvəl İtaliyanın aşağı yaş qrupları üzrə milli komandalarında çıxış edən yarımmüdafiəçi may ayında Avstraliya yığmasını seçib. O, DÇ-2026-da 3 matçda meydana çıxıb və komandasının 1/16 finala vəsiqə qazanmasında rol oynayıb.