"Əsas məqsəd futbola yeni azarkeşlər qazandırmaqdı" - Cahangir Fərəcullayev
Premyer-liqa üçün hazırlanan “APL Fantasy” tətbiqinin təqdimatı keçirilib.
"Football-plus.az" xəbər verir ki, “Radisson” otelində təşkil olunan mərasimdə çıxış edən AFFA-nın baş katibi Cahangir Fərəcullayev layihənin Azərbaycan futbolunda azarkeş auditoriyasının genişlənməsinə xidmət edəcəyini bildirib.
O, yeni tətbiqin uzun müddətdir futbolsevərlər tərəfindən gözlənildiyini vurğulayaraq, bunun premyer-liqaya əlavə maraq qazandıracağını deyib:
“Bu layihə çempionatımızı daha cəlbedici edəcək. Dünyanın müxtəlif ölkələrində “fantasy” oyunlarına maraq kifayət qədər böyükdü. Məsələn, İngiltərə premyer-liqasının "fantasy" platforması milyonlarla istifadəçini özündə birləşdirir. Azərbaycandan da həmin tətbiqdə 15 mindən çox qeydiyyat var. İnanırıq ki, “APL Fantasy” də azarkeşlər tərəfindən böyük maraqla qarşılanacaq. Əsas məqsəd futbola yeni azarkeşlər qazandırmaqdı".
Digər xəbərlər
