Mutu “Fiorentina”nı çalışdırmaq istəyir!
Dünənki mətbuat konfransında “hazırkı “Neftçi” mənim istədiyimin 60 faizi deyil” deyən və bir andaca ağ və qara rənglərə könül verən azarkeşlərin qəlbini fəth edən Adrian Mutunun qəlbinin dərinliklərində başqa komandanı çalışdırmaq arzusu var. Rumıniyalı mütəxəssis heç bunu gizlətmir də.
“Football-plus” onun arzusundan Rusiya mətbuatına verdiyi müsahibəyə nəzər salarkən xəbər tutdu:
“Günlərin birində “Fiorentina”ya rəhbərlik etmək istəyərdim. Bu klubu çox sevirəm. Ancaq indiki məqamda “Neftçi”dəki işimə köklənmişəm. Qarşıma qoyulan vəzifələri – Azərbaycan çempionluğunu və kubokunu qazanmaq – yerinə yetirmək lazımdı”.
Xatırladaq ki, Mutunun futbolçu karyerası boyunca şərəfini qoruduğu klublar sırasında “Fiorentina” da var.
