Müqaviləsindəki bənddən istifadə edildi, Mutu "Neftçi" üçün "Rapid"lə yolları ayırdı
"Neftçi"də baş məşqçi ilə bağlı qeyri-müəyyənlik bitmək üzrədi.
"Football-plus.az" xəbər verir ki, "ağ-qaralar" rumıniyalı mütəxəssis Adrian Mutu ilə böyük ölçüdə anlaşıblar. 44 yaşlı çalışdırıcı artıq "Rapid"lə yolları rəsmi olaraq ayırıb. Bu barədə Buxarest təmsilçisinin rəsmi saytı məlumat yayıb.
"Rapid"in əsas səhmdarı Dan Şucu Mutunun ayrılığı ilə bağlı bunları söyləyib:
"Cənab Mutunun ayrılmaq qərarı klubda bir çox ziddiyyətli müzakirələr yaratdı. Lakin mən bunları təfərrüatlandırmaq istəmirəm. İctimai yerlərdə paltar yumaq "Rapid" üçün istədiyim davranış deyil. Bununla belə, etiraf etmək istəyirəm ki, il yarım əvvəl cənab Mutu komandanın məşqçisi olanda məndə müəyyən qorxular var idi. Futbolçu karyerasında oynadığı böyük komandalarda şəksiz ulduz olması fikrindən başlayaraq, onun məşqçi kimi davranmayacağından qorxdum. Özünü bir ulduz kimi deyil, komandanın dəyərli komponenti kimi təsdiqləməyi bilən yetkin bir həmkarı tapmaq məni çox təəccübləndirdi. Adrian getdiyi üçün üzr istəyirəm, amma sevgini məcbur etmək olmaz! Təşəkkür edirəm, Adrian! Gələcəkdə uğurlar!”
Klubun prezidenti Daniel Nikulae baş məşqçinin ayrılığı ilə bağlı bunları söyləyib:
"Təəssüf edirəm ki, Adrian başqa yola üstünlük verdi. Yeni mövsümün başlamasına bir həftədən az vaxtımız var. Amma təəssüf ki, onun müqaviləsində qeyd etdiyi bənd var idi. Mutunu qalmağa inandırmaq missiyamızı qeyri-mümkün etdi. Ona uğurlarının davamlı olmasını arzulayıram! Həmişə olduğu kimi, tezliklə başqa məşqçinin adına aydınlıq gələcək. Əminik ki, bununla yanaşı, həm də unikal tərəfdarlarımızla yeni mövsümdə hədəflərimizə çatacağıq”.
İLKİN SULTANLI
