Adrian Mutunun gəlişindən sonra “Neftçi” 2 rəsmi keçidi rəsmiləşdirib.

“Football-plus.az” xəbər verir ki, “ağ-qaralar” daha 4-5 transfer etmək niyyətindədi. Mutu güclü heyət formalaşdırmaq istəyir. Rumıniyalı mütəxəssisin məqsədi həm avrokuboklarda, həm də çempionatda uğur qazana biləcək komanda yaratmaqdı. Bunun üçün SOCAR rəhbərliyi ona böyük səlahiyyət verib. Mutu üçün bundan sonra əsas məqsəd əcnəbi sağ cinah müdafiəçisi transfer etməkdi. Rəhbərlik şifahi olaraq Ervin Koffi ilə anlaşıb. Yaxın zamanlarda bu keçid də baş tuta bilər. Yeni çalışdırıcı daha sonra sağ cinah vingeri və iki hücumçunun transferini istəyir. Böyük ehtimalla bu məsələlər Konfrans Liqasının 3-cü təsnifat mərhələsinə kimi alınmayacaq. Çünki rumıniyalı səviyyəli və fayda verəcək futbolçuları komandasında görmək istəyir. Mutu Mateus Saldanyaya əsas hücumçu kimi güvənir. Ümumiyyətlə, mütəxəssis Tamaş və Koffinin gəlişindən sonra komandanın “Jelezniçar”ı üstələyəcəyini düşünür. Bu səbəbdən də digər transferlərdə tələsmir. Bəli, flaqman oyunçu axtarışını sürətləndirib. Müntəzəm fərqli futbolçularla danışıqlar aparılır. Lakin onlar arasından ən keyfiyyətlilər seçilərək transfer ediləcək.

İLKİN SULTANLI