“Mutunun “Neftçi”yə fayda verəcəyini düşünürəm”
“Qarabağ” ÇL-də “Linkoln”la oyuna çıxdığı gün “Neftçi” də Bakıda yeni baş məşqçisini təqdim etdi.
Rumıniya futbolunun canlı əfsanəsi Adrian Mutu qarşıdakı iki ildə “ağ-qaralar”ı çalışdıracaq. Artıq Sankt-Peterburqda olan mütəxəssisin “Neftçi” üçün nə dərəcədə faydalı olacağını bu komandanın canlı əfsanəsi Kazbek Tuayev "football-plus.az" saytına açıqladı:
"Mən, ümumiyyətlə, hansısa baş məşqçi haqqında konkret fikir bildirməyi, fəaliyyətini qiymətləndirməyi tənqid etməyi sevmirəm. Adrian Mutu futbolçu kimi ulduz olub, adını futbol tarixinə yazıb. Məşqçi kimi də yaxşıdı. Onun "Neftçi"yə fayda verəcəyini düşünürəm. O artıq Sankt-Peterburqadı, komandayla birlikdədi və "ağ-qaralar"ı "Fənərbaxça" ilə oyuna çıxaracaq".
ABDULLA İSMAYILOĞLU
