“AFFA-nın final oyununu Tovuza salması “Qusar” azarkeşinə münasibətdə ədalətsizlikdi”
Bildiyiniz kimi, Region Liqasının finalında “Qusar”la “Çinar Zəngilan” üz-üzə gələcək. Şimallılar finalın biraddımlığında “Arpaçay”ı, Zəngilan təmsilçisi isə “Marxal”ı məğlub edib.
Mövsümün əsas oyununun vaxtı hələ dəqiqləşməsə də, “Football-plus.az” bir neçə gün əvvəl final matçının paytaxtdan kənarda, daha dəqiqi, Tovuzda keçiriləcəyini xəbər vermişdi.
Həlledici görüşün Qərb regionuna təyin olunması finalçılardan birinin – “Qusar”ın azarkeşlərinin narazılığına səbəb olub. Bu gün redaksyaya zəng vurub özünü Bədəlov Laçın Şakir oğlu kimi təqdim edən azarkeş qusarlı futbolsevərlər adından AFFA-nın seçimindən narazı qaldıqlarını bildirdi:
“AFFA-nın final oyununu Tovuza salması şimal bölgəsinə, “Qusar” azarkeşinə münasibətdə ədalətsizlikdi. Dünən köhnə Xudat kəndində keçirilən rayon birinciliyinin oyununa baxırdıq. Stadionda 1000-dən çox azarkeş var idi. Hamı finalın Tovuza salınmasından narazıdı. Bakıda, Sumqayıtda bu qədər stadion olduğu halda, matçın qərb bölgəsində keçirilməsi absurddu.
“ASK Arena”da keçirilən yarımfinalda 700-dən çox azarkeşimiz tribunada yerini tutmuşdu. Finalda komandanı dəstəkləmək istəyənlərin sayı 2000-dən çox olacaq. Bu qədər azarkeşi Tovuza yollamaq böyük məsuliyyət tələb edir. Sabah onların başına yolda hansısa hadisə gəlsə, AFFA bunun altından necə çıxacaq? Niyə turniri təşkil edənlər belə nüansları nəzərə almır?
Sizin vasitənizlə onlara müraciət edirik. Hələ final qarşılaşmasının vaxtı dəqiqləşməyib. Yaxşı olardı ki, həlledici görüş ya paytaxta, ya da ona yaxın yerə dəyişdirilsin”.
“ASK Arena”da keçirilən yarımfinalda 700-dən çox azarkeşimiz tribunada yerini tutmuşdu. Finalda komandanı dəstəkləmək istəyənlərin sayı 2000-dən çox olacaq. Bu qədər azarkeşi Tovuza yollamaq böyük məsuliyyət tələb edir. Sabah onların başına yolda hansısa hadisə gəlsə, AFFA bunun altından necə çıxacaq? Niyə turniri təşkil edənlər belə nüansları nəzərə almır?
Sizin vasitənizlə onlara müraciət edirik. Hələ final qarşılaşmasının vaxtı dəqiqləşməyib. Yaxşı olardı ki, həlledici görüş ya paytaxta, ya da ona yaxın yerə dəyişdirilsin”.
RƏŞAD
Digər xəbərlər
