Ötən həftənin şənbə və bazar günləri Region Liqasında ikinci pley-off mərhələsinin ilk qarşılaşmaları baş tutub.

Stadion problemi səbəbindən ev oyunlarını Siyəzəndə keçirən “Qusar”ın rəqibi “Füzuli” olub. Çempionluğa iki iddialı arasında reallaşan ilk görüşdə qalib müəyyənləşməyib. “Çinar Zəngilan” Bakıda, daha dəqiq desək, “ASK Arena”da “Karvan”la münasibətləri aydınlaşdırıb. Meydan sahiblərinin üstünlüyü şəraitində keçən görüşdə azarkeşlər iki qola şahidlik edib. Bir həftə sonra keçiriləcək cavab görüşündə yevlaxlılar iki qolun əvəzini çıxmağa çalışacaq. Şəkidə isə “Marxal” “Xəzər Lənkəran 42”ni məyus edib. Meydan sahibləri qonaqları üç dəfə meydanın mərkəzinə dəvət edib. Lənkəranlıların gücü isə yalnız təsəlli qoluna çatıb.

Region Liqası
2-ci pley-off mərhələsi, ilk oyun
29 aprel
Qusar – Füzuli 1:1
30 aprel
Çinar-Zəngilan – Karvan (Yevlax) 2:0
Marxal (Şəki) – Xəzər Lənkəran 42 3:1

RƏŞAD