Mahir Şükürov bunun Azərbaycanda olmasını istəmir – AÇIQLAMA
“Qarabağ” – “Qalatasaray” matçı başa çatdı. İndi isə bu görüşdən sonra baş verən məsələləri müzakirə etməyin vaxtıdı.
Məsələn, İstanbul təmsilçisinin prezidenti Dursun Özbək TFF-yə təklif edib ki, türk dövlətlərindən olan futbolçular superliqada legioner sayılmasın. Ötən sayımızda bu məsələni necə həyata keçirə biləcəyimizi, ölkə futboluna faydasını və ziyanını izah etdik.
Görəsən, mütəxəssislər bu barədə nə düşünür? Həm Türkiyədə, həm də Azərbaycanda türk dövlətlərinin futbolçuları legioner sayılmasa, xeyrimizə olar? Sualımızı Türkiyədə çıxış etmiş millinin sabiq üzvlərindən Mahir Şükürova ünvanladıq. Onun “Football-plus.az” saytına açıqlaması belə oldu:
“O vaxt belə şey var idi. Mən oynadığım zamanlar idi. Türkiyədə azərbaycanlı futbolçular legioner sayılmıdı. Sonra bunu ləğv etdilər. İndi “Qalatasaray”ın prezidentinin bu təklifini dəyərləndirmək lazımdı. Mən də bu fikri dəstəkləyirəm. Azərbaycanlı futbolçu legioner sayılmasa, bu, bizim üçün xeyirlidi. Lakin bir məsələ var. Bizdə bu olmasın. Çünki Azərbaycan premyer-liqasında o qədər də inkişaf yoxdu. Bu məsələ Türkiyə futbolu üçün lazımdı, bizim üçün yox”.
İLKİN SULTANLI
Digər xəbərlər
