PSJ-nin futbolçular oyundan sonra azarkeşlərə üzrxahlığını çatdırıb paltardəyişmə otağına yollanarkən qəribə qalmaqal yaşanıb.

Futbolçular fanatlardan uzaqlaşandan sonra Neymarla Messinin şəklini çəkmək həvəsi fotoqraflara necə güc gəlibsə, Ramosa heç fikir də verməyiblər. Fotoqraflardan biri çiyni ilə Ramosa toxunub, ispaniyalı müdafiəçi isə belə hərəkətin yolverilməz olduğunu ona mədəni şəkildə anlatmağa çalışıb. İkinci fotoqraf isə kobudluğun cəzasını çəkib. Həmin fotoqraf Ramosa toxunmayıb, sadəcə, müdafiəçi PSJ-nin hücumçularına doğru can atan jurnalistlərin arasında sıxılıb qalıb. Ramos belədə dözməyib və fotoqrafı itələyib. Onsuz da ipə-sapa yatmayan birisi kimi tanınan futbolçunun bu hərəkəti də sosial şəbəkələrdə geniş diskussiya doğurub.

Çoxları belə Ramos üçün darıxıbmış:

* “Köhnə tanış Serxi! Çoxdan onu belə görməmişdik”.
* “Əlbəttə, Ramos düzgün hərəkət etmədi. Ancaq uşaqlar, bu jurnalistlər, heç olmasa, Serxioya zərrəcə hörmət etməlidilər. Müdafiəçini az qala yerə yıxacaqdılar”.
* “Hesab edirəm ki, fotoqraflar belə münasibəti haqq etdilər”.
* “Ramos oyunda qırmızı vərəqə almadı, normanı yerinə yetirmədi. Deməli, oyundan sonra bunun üçün çalışmaq lazım idi”.
* “Onların işi şəkil çəkməkdi, adamların belinə minmək yox! Bu jurnalistlər başqa nə gözləyirdilər?”
Ancaq Serxionun hərəkətinə görə özündən çıxanlar da olub:
* “O, məğlubiyyəti qəbul edə bilmədi. Belə təcrübəli adamın daha uduzmağı öyrənməsinin vaxtıdı”.
* “Ramos necə çürük oyunçu idisə, eləcə də qalıb”.
* “Məni bax, bəzi futbolçuların sadə adamlara belə münasibəti dondurur. Necə belə ola bilər?”
* “İstənilən halda, bu qeyri-etik davranışdı, hətta operatorlar özlərini düzgün aparmasalar da”.
* “Ramos qəzəblənir, ona görə ki, kameralar ona yox, Neymar, Messi və Mbappeyə yönəlmişdi”.