''Türkiyə bu turnirdə böyük bir uğur qazansa, bu, milyonlarla insan üçün sürpriz olacaq. Bunu anlayıram. Çünki İspaniya, Fransa, Argentina, Braziliya, İngiltərə və Portuqaliya kimi komandaların yer aldığı turnirdə təbii olaraq onlar məhz favorit sayılır. Türkiyə üçün 1/4 və ya yarımfinal sürpriz sayılacaq. Ancaq komandamızın çox böyük potensialı var. İnsanların sürpriz kimi qiymətləndirdiyi şeyi normal bir şeyə çevirməliyik. Bunun üçün ilk növbədə belə turnirlərin daimi iştirakçısına çevrilməliyik. Son 3 Avropa Çempionatında yer almışıq. DÇ-yə isə 24 ildən sonra ilk dəfə qatıldıq. Bu mundiala qatılmaq çox önəmli idi. Hər zaman demişəm ki, sabitlik yaxalandıqdan sonra uğur da gələcək. Qısa turnirlərdə düzgün planlaşdırma çox önəmlidi. Futbolçular 40-50 oyunluq ağır bir mövsümdən keçərək birbaşa yığmanın düşərgəsinə yollanırlar. Onlar fiziki və psixoloji cəhətdən hazır gəlirlər. Bundan faydalanmaq lazımdı. Ən yaxşı taktika pillə-pillə irəliləməkdi. Əvvəlcə qrupu mümkün qədər yuxarı pillədə bitirmək, sonra isə növbəti mərhələlər haqda düşünmək olar. Türkiyə üçün sərhəd yoxdu. Türkiyənin DÇ-yə ehtiyacı olduğu kimi DÇ-nin də Türkiyəyə ehtiyacı var idi. Çünki ölkəmiz böyük turnirlərdə adətən təkcə iştirak ilə kifayətlənmir. Komandamız bu turniri yaşayır, coşdurur. Fanatlarımız enerji və duyğuları ilə hər zaman iz buraxır. Montellanın uğuru məni qətiyyən təəccübləndirmədi. Xarakteri, təcrübəsi və istedadını nəzərə alaraq mən hər zaman ona güvənirdim. Türkiyə ilə Montella arasında dərhal yüksək bir anlaşma səviyyəsi əldə olundu. Montella ilk öncə mənim doğma şəhərim olan Adanada adından söz etdirdi. Mənim karyeram məhz o klubda başlayıb''.