“Qarabağ”ın vidalaşdığı Ramil Şeydayevin taleyi maraq doğurur. Birvaxtların ən populyar futbolçusu indi özünə yeni iş yeri tapmaqda çətinlik çəkir. Avropa klublarının 30 yaşlı hücumçuya maraq göstərəcəyinə inanmaq çətindi. Ramil üçün ən yaxşı seçim elə Misli premyer-liqasıdı.

Azərbaycan elitasında üç böyük klubun - “Qarabağ”, “Sabah” və “Neftçi”nin formasını geyən Ramil, təbii ki, karyerasını yenə da paytaxtda davam etdirmək istəyir.

Ötən mövsüm avrokuboklarda çıxış etmiş “Araz-Naxçıvan” 30 yaşlı futbolçu üçün doğru seçim ola bilər. Liderlik bacarığına malik hücumçu burda yenidən parlaya bilər.

Bu mövsümün debutantı “İmişli” heyətinə təcrübəli, liqanı yaxşı bilən oyunçu qatmaqla elitada mövqeyini möhkəmləndirməyə çalışacaq. Şeydayev isə klub üçün uyğun namizəd ola bilər.

Bu mövsüm avrokuboklara vəsiqəni son anda itirən “Zirə”nin sabit hücumçuya ehtiyacı var. Komandada bir neçə oyunçu bu mövqedə çıxış etsə də, onları uğurlu adlandırmaq çətindi. Sürətli vingerlərə malik “qartallar”da qol duyumu yüksək olan bitirici vəzifəsinin öhdəsindən bəlkə də Ramil gələ bilər.

Aleksandr Ramalinqom “Sumqayıt”dan ayrılıb. Bu komandanın oyun üslubu 30 yaşlı hücumçuya uyğundu. Həmçinin milli komandada birgə çıxış etdiyi futbolçuların burada olması onun daha tez uyğunlaşmasına təsir edəcək.

İSRAYIL XEYRULLAYEV