"Rəqibin harda boşluqlar verdiyini bilirik" - Siyasət Əsgərov
Qadın futbolçulardan ibarət millimiz sabah dünya çempionatının seçmə mərhələsi çərçivəsində Macarıstan yığması ilə həlledici matça çıxacaq. Mehdi Hüseynzadə adına Sumqayıt şəhər stadionunda keçiriləcək qarşılaşma saat 18.00-da başlayacaq.
Komandanın baş məşqçisi Siyasət Əsgərov komandanın hazırlıq prosesi və oyunöncəsi ab-hava ilə bağlı fikirlərini bölüşüb:
"Bizim üçün Sumqayıtda oynamaq şərəfdi. Ümid edirəm ki, tribunada azarkeş də görəcəyik. Turnir cədvəlində ikinci pillədəyik. Rəqibdən bir xal geri qalırıq. Oyunun mahiyyətinin fərqindəyik. Matça maksimum hazırlaşmışıq. Bizim üçün qələbə önəmlidi. Bu oyuna fərqli planla çıxacağıq. Rəqibin harda boşluqlar verdiyini bilirik. Komandada psixoloji problem yoxdu. Hər oyunda olduğu kimi bu oyunda da, tək Sevincdən yox, irəli xətdəki hər kəsdən qol gözləyirik".
Qrupun digər oyununda Andorra Şimali Makedoniyanı qəbul edəcək. Yığmamız iyunun 9-da keçiriləcək növbəti oyunda Şimali Makedoniyanın qonağı olacaq.
1. Macarıstan 4 3 1 0 13-0 10
2. Azərbaycan 4 3 0 1 7-2 9
3. Şimali Makedoniya 4 1 0 3 3-14 3
4. Andorra 4 0 1 3 1-8 1
Digər xəbərlər
