Serxio Ramos ilə bağlı növbəti xəbər yayılıb.

Onun iki aydan sonra ilk dəfə komandasına kömək etmək şansı var. “Le Parisien” qəzeti Serxionun ümumi qrupda məşqə başladığını xəbər verib. Sabah 36 yaşı tamam olacaq müdafiəçi Fransa çempionatının 30-cu turunun “Loryan” ilə aprelin 3-nə təyin olunan matçında iştirak edə bilər.

Dünya və Avropa çempionu sonuncu dəfə PSJ-yə yanvarın 23-də kömək edib. “Reyms” ilə matçdan (4:0) sonra Ramosda əzələ problemi ortaya çıxmışdı. Əlavə edək ki, o, PSJ-nin formasında yalnız 5 oyun keçirib və 1 qol vurub.