''Fənərbaxça''da prezidentliyə namizədlərdən olan Hakan Safi belə desək, bombaları partlatmağa başlayıb. O anlaşdığı ulduz isimlərin adlarını açıqlayıb.

Safinin birinci açıqladığı ulduz ''Sportinq''in əsas qol silahı sayılan Luis Suaresdi. Düzdü, tərəflər arasında tam olaraq anlaşmanın bitdiyini söyləmək tezdi. Amma Safi futbolçunun özü və həyatı yoldaşı ilə görüşərək onlara İstanbulda ən lüks şərait və çox sərfəli illik maaş təklif edib. Safi' ''prezident seçilsəm, Luis Suares ''Fənərbaxça''ya gələcək'' ifadəsini işlədib. Onun digər bombası isə Merih Dəmiraldı. ''Əl-Əhli'' və Türkiyə yığmasının ulduz müdafiəçisi doğma klubuna qayıtmağa razılıq verib. Daha öncə ''Yuventus'' və ''Atalanta'' kimi klublarda top qovmuş Merih məhz ''Fənər''in yetirməsidi.

İddialara inansaq, bu futbolçu ''Fənər''ə keçmək üçün illik 12 milyon avroya bərabər olan maaşının da ciddi şəkildə azaldılmasına razıdı. Amma Merihi ''Əl-Əhli''dən qoparmaq heç də asan olmayacaq. O bu klubun aparıcı üzvlərindən və fanatların sevimlilərindən biridi. Üstəlik 2029-a qədər müqaviləsi var. Asiya Çempionlar Liqasının son iki mövsümdəki qalibi olan ''Əl-Əhli'' Merihi 20 milyon avrodan aşağı məbləğə buraxmayacaq.

Maraqlıdı ki, bu söz-söhbət ortaya çıxdıqdan sonra klubun rəsmi səhifəsində 27 yaşlı oyunçu ilə bağlı paylaşım edilib. Orda ''Merih başdan sona qədər ''Əl-Əhli''lidi'' ifadəsi yazılıb.