“Neftçi” hakimin üzünə tüpürən məşqçisinə görə apellyasiya şikayəti verməyib
AFFA-nın İntizam Komitəsi “Neftçi”nin məşqçisi Alim Qurbanovu ciddi şəkildə cəzalandırıb.
Belə ki, U-13 liqasının EFA – “Neftçi” matçının 30-cu dəqiqəsində adı çəkilən mütəxəssis meydana daxil olub. Və oyunun rəsmi şəxslərinin, baş hakimin şərəf və ləyaqətini təhqir edib. Qurbanov həmçinin hakimin üstünə tüpürdüyünə görə qırmızı vərəqə alıb. Komitə isə onu 3 oyunluq cəzalandırıb.
Təbii ki, idmanda belə halların baş verməsi qəbuledilməzdi. Görəsən, U-13-ün məşçisi komitənin qərarı ilə razıdı? Klub olaraq “Neftçi”nin appelyasiyaya vermək fikri var? Bu suallarla Alim Qurbanova müraciət etdik. Lakin mütəxəssis açıqlama vermək istəmədi:
“Bu haqda danışmaq istəmirəm. Çox jurnalist zəng edib, amma danışmamışam. Siz də məni üzürlü sayın”.
Qurbanov “Neftçi”nin qərardan apellyasiya şikayəti verməyəcəyini də diqqətimizə çatdırdı. Görünür, məşqçi etdiyi hərəkətin fərqindədi. Klub da onu müdafiə etməyin yersiz olduğu qənaətinə gəlib. Əlbəttə, insan əsəblərinə hakim olmayıb müəyyən səhv hərəkətlər edə bilər. Lakin Qurbanov etdiyi hərəkətə görə 3 oyunluq cəzalanıbsa, ucuz qurtulub.
ŞAİR ABDULLA
Digər xəbərlər
