Çempionlar Liqası
1-ci təsnifat mərhələsi
Sabah – Nyu Seynts (Uels) 2:0
Velko Simiç, 66. Kahim Parris, 83
Hakimlər: PATRİK QRİTSEVİÇ, Marcin Boniek, Bartoş Kasunski, Voyçex Mus (hamısı Polşa).
7 iyul. Bakı, “Bank Respublika Arena”. Saat 20.00.

Konfrans Liqası
1-ci təsnifat mərhələsi
Zirə - Torpedo (Gürcüstan) 3:0
Ruan Renato, 32. Davit Volkov, 47. Ruan Renato, 63-p.
Hakimlər: YANİ HÜYTİYA, Veli-Matti Leppenen, Yusso Mantere, Peyman Simani (hamısı Finlandiya).
8 iyul. Sumqayıt, “SOCAR Polymer Arena”. Saat 20.00.

Avropa Liqası
1-ci təsnifat mərhələsi
Qarabağ – Vestri (İslandiya)
Hakimlər: ROMAN JİTAR, Vlad Lifçu, Vadim Vikol, Andrey Bregutse (hamısı Moldova).
9 iyul. Bakı, Tofiq Bəhramov adına Respublika stadionu. Saat 20.00.

Söhbət 2014-cü ildən bəri avrokubokların azı əsas mərhələsinə qədər irəliləyən “Qarabağ”dan gedir. Bəli-bəli, “köhlən atlar” yola bu uğura ardıcıl 13-cü dəfə imza atmaq məqsədi ilə çıxıb. Aydındı ki, heyətdəki dəyişikliklər komandanın ilkin matçlarda çətinliklərlə üzləşməsinə səbəb olacaq. Ancaq sevindirici haldı ki, xüsusən, 1-ci təsnifat mərhələsində qarşılaşacaqları rəqib təvazökarlıqdan uzaq olsa da, zəifdi. Çünki “Vestri” İslandiyanın ikinci liqasında çıxış edir və ölkə kubokunu qazandığından Avropa Liqasında iştirak hüququna yiyələnib. “Qarabağ”a gəlincə, “köhlən atlar” ölkəmizdə hazırlığa ən tez başlayan komandadı. Bu səbəbdən hazırlıq prosesiylə bağlı hansısa çatışmazlıqlardan, gözlə görünən problemlərdən bəhs etməyə dəyməz.

Məlumdu ki, böyük ölçüdə yenilənən heyətin bir qədər zamana ehtiyacı olacaq və təsnifat mərhələlərində keçiriləcək matçlar komandanın inkişafına təkan verəcək. Bəs, Qurban Qurbanov və köməkçiləri bu yenilənmə prosesini üzüağ tamamlaya biləcəklərmi? İslahatların komandanın avrokuboklarla bağlı planlarına mənfi təsir etməsinin qarşısı alınacaqmı? Qarşıdakı həftələrdə həm də bu suallara aydınlıq gələcək.

KƏNAN BAHADIR