Premyer-liqa / Manşet
263
4.09.2022, 16:20
Rauf Əliyev cəzadan narazıdı
AFFA-nın İntizam Komitəsi “Kəpəz”in futbolçusu Rauf Əliyevi cəzalandırıb.
Buna səbəb isə futbolçunun hakimləri təhqir etdiyinə görə birbaşa qırmızı vərəqə alaraq meydandan kənarlaşdırılması, daha sonra yenidən meydana çıxmasıdı. Buna görə hücumçu 5 oyunluq cəzalandırılıb, klub isə 4000 manat cərimələnib.
Maraqlıdı, futbolçu qərardan razıdı? O 5 oyunluq cəzanın çox olduğunu düşünmür? Rauf Əliyevin məsələ ilə bağlı fikri belə oldu:
“Belə qərar veriblər də, deyiləcək bir söz yoxdu. Amma düşünürəm ki, 5 oyun çoxdu. Mən də qərar verilmədən öncə hətta hakimin özünə də demişdim ki, orda təhqiramiz bir şey etməmişəm. Hansı fikirlə, nəyə əsasən belə qərar veriblər, bilmirəm”.
Klubun icraçı direktoru İlqar Nadiri isə AFFA-ya müraciət edib cəzanın bir qədər yüngülləşdirilməsini istəyəcəklərini söylədi:
“Qərar hələ yeni verilib. Bəli, bununla bağlı apellyasiya şikayəti edəcəyik. Qərardan sonra bunun üçün 10 gün müddət verilir. Biz də bugünlərdə bunu edəcəyik”.
ŞAİR ABDULLA
