Zaur İsmayılov: “PRO-nu əldə etmək özü üstünlükdü”
Dekabrın 20-də iki mütəxəssisə PRO lisenziyası təqdim olundu.
Football-plus.az xəbər verir ki, söhbət Sənan Qurbanovla hazırda "Şamaxı"nın əvəzedicilərdən ibarət komandasının baş məşqçisi olan Zaur İsmayılovdan gedir. Onlara diplom və sertifikatları AFFA-nın Texniki direktoru Cahangir Həsənzadə və Təhsil proqramının rəhbəri Aslan Kərimov təqdim edib.
Maraqlıdı, PRO kateqoriyasını almaq onlar üçün nə dərəcədə çətin olub? Ümumiyyətlə, bu lisenziya adıçəkilənlərin fəaliyyətinə necə təsir edəcək? Bu sualları Zaur İsmayılova ünvanladıq:
“Bu çox məsuliyyətli bir mərhələdi. Ali lisenziya olduğu üçün daha da çox məsuliyyət tələb edir. Başqalarına nisbətən, təbii ki, çətinliyi oldu, amma uğurlu nəticələndi. PRO-nu əldə etmək özü üstünlükdü. Bu lisenziya varsa, artıq üstünlük qazanmısan deməkdi. Hələ ki öz klubumda fəaliyyətimi davam etdirirəm. Qalan məsələləri isə gələcək göstərəcək”.
Digər xəbərlər
